《回到2014 — 釜山泰友人》
由青靚白淨～到胡鬍鬚核突。依幾年經歷許許多多，朋友嘅支持，係最大嘅動力，依個就係本店"Meat" Friends嘅中心思想！
當年三唔識七，九唔搭八，跟住成班泰人去부산釜山 (老老實實，初初梗係被逼啦，泰妹話早就約咗依次旅痕，咁唔通我食自己咩～) 又估唔到幾開心，重識多咗兩個新泰仔。
我哋倒塔咁早由首爾出發，為慳一個幾毫坐5個鐘頭嘅慢車，途中又瞓又醒，再瞓再醒都未銀到，於是就拉埋泰妹係架火車上面尋寶，竟然發現有K唱！有機打！我哋又點會放過丫，哈哈。
5個鐘就咁過去，喺民宿放低一袋二袋之後，佢哋話去超市買野，我同泰妹梗係無去啦！(難得二人世界播ㅋㅋ) 說時遲，那時快，成隊人衝入房，大唱生日歌"Happi bir day do you..." (泰文口音🤣) 아~참! 原來係小弟生日！哈哈 (老實講，果年嘅經歷多到我都反應唔切，重邊記得自己係依個地表又多咗一年丫)
一班相識5個鐘嘅朋友+一首怪怪嘅生日歌，如果當時有塊鏡照住自己，我一定係笑得好「餓式茄」(어색해 尷尷尬尬)，但又感動😋～
難忘
Search